Eksportet ngadalësojnë ritmin, i mbajnë në këmbë fasonët

Për të disatin muaji rradhazi, ritmet e rritjes së eksporteve shqiptare janë ngadalësuar. Sipas të dhënave të Institutit të Statistikave, në tetor eksportet e mallrave arritën vlerën 38 miliardë lekëve, duke u rritur me 12,5 %, në krahasim me të njëjtën periudhë të një viti më parë dhe duke u ulur me 0,8 %, në krahasim me shtatorin. Norma vjetore e rritjes së eksporteve me 12.5% është më e ulëta për këtë vit. Kështu, në shtator eksportet u rritën me 16.3%, ndërsa në muajt e parë të këtij vitt zgjerimi mujor ishte rreth 50%.

Të dhënat e detajuara tregojnë se në tetor, në rritjen e eksporteve kanë ndikuar grupet: “Tekstile dhe këpucë” me +6,9%; “Makineri, pajisje dhe pjesë këmbimi” me +2,8% dhe “Minerale, lëndë djegëse dhe energji elektrike” me +2,3% Ndërsa negativisht ka ndikuar grupi: “Materiale ndërtimi dhe metale” me -3,2%.

Ngadalësimi i ritmeve të rirtjes së eksporteve tregon qartë s eky sektor po vuan pasojat e krizës globale dhe kostove të larta të energjisë si dhe ndërprerjen e përkohshme të aktivitetit nga dy sipërmarrje të mëdha, Kurum dhe Albchrome.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern