Adidas “heq qafe” Kanye West dhe “Yeezy”. Reperi zyrtarisht nuk është më një miliarder

Vetëm ditë më parë, sipërmarrësi reper Kanye West sfidoi Adidas-in që ta largonte atë pas një breshërie një javore të komenteve antisemitike të bëra në mediat sociale dhe në paraqitjet në media kombëtare.

Ye, i cili kishte punuar me Adidas që nga viti 2013 në linjën e tij të atleteve të famshme “Yeezy”, mendonte se ishte i paprekshëm. Në fund të fundit, Adidas merr rreth 4% deri në 8% të shitjeve të saj nga produktet Yeezy, sipas bankës investuese Cowen. Për Ye, ishte një marrëveshje edhe më e madhe, që përbënte 1.5 miliardë dollarë të pasurisë së tij neto.

Por fjalët e Ye e vendosën kompaninë gjermane të veshjeve atletike, me lidhjet e saj naziste që datojnë që nga themeluesit e saj, në një situatë problematike. Ajo që pasoi ishte presioni edhe më i madh ndaj Adidas-it për të ndërprerë lidhjet me Ye, pasi komentet e tij antisemitike sollën reagime të ashpra nga shumë yje të Hollivudit. Për javë të tëra, Adidas qëndroi i heshtur, përveçse tha më 6 tetor se partneriteti i tyre me Ye ishte “në shqyrtim”.

Sot – e martë, 25 tetor – Adidas më në fund theu heshtjen dhe i dha fund lidhjes. Kjo lëvizje do t’I kushtojë shumë markës së atleteve, por Ye edhe më shumë, duke e eliminuar menjëherë atë nga radhët e miliarderëve. / Forbes 

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern