Delegacioni Europian ka shprehur rezerva për nismën e qeverisë për amnistinë fiskale. Pas takimit të sotëm të ambasadores me eksponentë të qeverisë dhe mazhorancës mbi projektligjin për aministinë fiskale, delegacioni dha këtë përgjigje: “BE ka shqetësime serioze rreth draftit aktual të ligjit të amnistisë fiskale. Ne do të vazhdojmë konsultimet me autoritetet përkatëse të qeverisë për të rishikuar këtë legjislacion”.
Ambasadorë të vendeve të BE-së, ajo e Shteteve të Bashkuara, Yuri Kim dhe ai i Mbretërisë së Bashkuar, Alastair King-Smith, zhvilluan një takim në vilën qeveritare me kreun e Grupit Parlamentar të Partisë Socialiste, Taulant Balla, dhe ministren e Financave, Delina Ibrahimaj.
Takimi ishte parashikuar të mbahej në praninë e kryeministrit Edi Rama, i cili për arsye të paqarta ka marrë pjesë në një tjetër aktivitet.
