Kriza e çmimeve po prek edhe tregjet e monedhave digjitale. Pak pas publikimit të raportit nga Byroja e Statistikave të Punës, ku norma e inflacionit në gusht në Shtetet e Bashkuara të Amerikës arriti rekordin e 8,6 për qind, Bitcoin u ra në gati në 20 mijë dollarë nga mbi 22 mijë që ishte duke u zhvlerësuar kështu me 9,6 për qind.
Rënie të ndjeshme pësuan edhe kriptomonedhat e tjera si Ethereum, Binance Coin, XRP dhe Cardano. Kjo, sipas ekspertëve, pas edhe paralajmërimeve të Bankës Federale Amerikane për të rritur normën bazë të interesit për dollarin.
“Në momentin që normat e interesit ngrihen dhe inflacioni është i lartë, investitori trembet. Dhe në momentin që mendon se ka recesion ekonomik, mban likuiditet, dmth do të ketë para cash. Për këtë arsye, ai shet asetet që janë më riskioze. Ka një korelacion të drejtëpërdrejtë, në momentin që zhvlerësohet dollari, ka ngritje të kriptovalutës”, shpjegon Denisa Kele, eksperte për monedhat virtuale.
Kjo është rënia e dytë më e madhe pas asaj në qershor, ku kriptomonedhat u zhvlerësuan mesatarisht me 9 për qind.
