Kontratat e importit, 1.5 milionë euro në ditë për energjinë

Cmimet e energjisë në bursa kanë rënë, cka i ka mundësuar Korporatës Elektroenergjetike Shqiptare që të lidhë kontrata importi. Në bursën e Hungaroisë, që shërben si referencë për transaksionet në Shqipëri, energjia po shitet me 384.77 euro/mëh nga 1047 euro që ishte një javë më parë. Ndërkaq KESH ka njoftuar se ka mbyllur procedurën e blerjes së energjisë për datën 9 shtator (e premte) për të cilën shpenzoi rreth 1.5 milionë euro.

Bëhet fjalë për 3084 MWH energji me një çmim mesatar prej 476.77 euro/MWh. Sasia e blerë është afërsisht 15 për qind e konsumit mesatar ditor. Ndërkohë tashmë në faqen e KESH është aktivizuar procedura e re e cila kërkon 12 mijë MËh energji për dy ditë 10 dhe 11 shtator.

Në total importet e Korporatës nga fillimi vitit deri më tani kanë kaluar 300 milionë euro. Qeveria llogarit që deri në fund të vitit pavarësisht luhatjeve të çmimeve në bursë të ketë nevojë edhe për rreth 200 milionë euro si të mjaftueshme për të përballuar kërkesën, në një kohë kur prodhimi në kaskadë kufizohet për shkak të mungesës së reshjeve.

Një ditë më parë, qeveria shpalli detaje të paketës s ëkrizës energjetike, pjesë e të cilës ëhstë rritja e cmimit të energjisë në 42 lekë për kilovat orë për konsumin mbi 800 kilovat orë në muaj për familjet shqiptare.