LIGJET E BIZNESIT
Rëndohet bilanci i atentatit në Fushë-Krujë që ndodhi pranë mbikalimit.
Pas breshërisë së plumbave që u qëlluan në drejtim të një automjeti tip “Volksëagen Passat”, mësohet se kanë humbur jetën tre persona.
Dy prej tyre kanë mbetur të djegur brenda në makinë dhe identifikimi i tyre është i vështirë nga ana e policisë.
Ndërsa tjetri ka mundur të dalë nga makina për ti shpëtuar plumbave, por nuk ka mundur pasi autorët i kanë qëlluar sërish për tu siguruar që nuk do të mbeste gjallë.
Viktima i cili është jashtë mësohet se është shtetasi Diklen Vata, 30 vjec, i arrestuar më parë për shpërndarje të lëndëve narkotike.
Gjithashtu ka reaguar dhe policia për ngjarjen në fjalë.
NJOFTIMI ZYRTAR I POLICISE
Krujë/Informacion paraprak.
Në aksin rrugor Fushë Krujë-Thumanë, te mbikalimi i Fushë Krujës, dyshohet se në drejtim të një automjeti tip “Volswagen Passat” është qëlluar me armë zjarri.
Si pasojë automjeti ka marrë flakë dhe janë djegur në automjet dy shtetas ende të pa identifikuar.
Gjithashtu, nga të shtënat ka mbetur i vrarë dhe shtetasi D. V., 30 vjeç, nga Fushë Mamurrasi, i cili ka qenë pasagjer por ka mundur të dalë nga automjeti, dhe ka humbur jetën sapo ka dalë prej tij.
Në vendngjarje ndodhet grupi hetimor dhe forca të shumta Policie.
Nga krehja e zonës, në Larushkë, është gjetur duke u djegur një automjet tip “Volswagen Passat” që dyshohet se është i autorëve.
Në brendësi të automjetit është konstatuar një armë zjarri automatike që dyshohet se është përdorur nga autori/ët për të kryer krimin.
Në ndihmë të Policisë vendore kanë shkuar grupe të FNSh Tiranë dhe janë ngritur pika kontrolli nga DVP Tiranë e Lezhë.
Grupi hetimor nën drejtimin e Prokurorisë së Rrethit Gjyqësor Krujë, po punon për identifikimin e dy shtetasve të djegur në automjet dhe për sqarimin e rrethanave të ngjarjes, sekuestrimin e cdo prove të vlefshme që do ti shërbejë zbardhjes së ngjarjes dhe identifikimit të autorëve.
