Policia e Sarandës ka parandaluar një tragjedi.
Duke ndërhyrë në kohë, ata kanë bërë të mundur ndalimin e një krimi të mundshem brenda familjes.
Mësohet se nga blutë e qytetit bregdetar është arrestuar një 34-vjeçar, i cili ka tentuar t’i marrë jetën ish-bashkëshortes.
Policia ka arrestuar në flagrancë me pistoletë pa leje shtetasin Kleo Hysi, i cili rezulton të jetë edhe person me precedentë të mëparshëm penalë. Mësohet se ai kishte udhëtuar enkas nga Tepelena në Sarandë për të vrarë ish-bashkëshorten, shtetasen me iniciale F.Ç., me të cilën ka dy fëmijë, respektivisht 9 dhe 13-vjeç.
Ngjarja ka ndodhur në lagjen nr.4 të qytetit të Sarandës.
