Milan përjashtohet nga faza e grupeve të Europa League për sezonin 2019-2020. Vendimi është marrë nga Gjykata e Arbitrazhit Sportiv, CAS dhe tashmë është zyrtare.
“Milan është përjashtuar nga pjesëmarrja në kompeticionet e UEFA-s për klube për sezonin 2019-2020, për shkak të shkeljes së detyrimeve të “Fair Play”-t financiar për periudhat 2015/2016/2017 e 2016/2017/2018″, theksohet në deklaratën për shtyp të CAS.
Klubi italian ishte kualifikuar për fazën e grupeve të Europa League, pasi zuri vendin e pestë në kampionat.
