LIGJET E BIZNESIT
Këto ditë, mijëra maturantë në gjithë vendin i kanë dhënë fund studimeve në gjimnaze, duke përfunduar jo vetëm provimet e Maturës Shtetërore, por edhe duke u takuar në atë që njihet ‘Mbrëmja e Maturës”.
Secili prej tyre mundohet që të prezantohet në mënyrën më të mirë të mundshme, duke nxjerrë në pah vlera, por nganjëherë edhe duke u prezantuar me detaje që nuk i pëlqejnë një preje prej nesh.
Një maturant nga Kukësi, i cili mbylli vitet e gjimnazit në shkollën e mesme të bashkuar “Bajram Abdiu” në Bicaj, vendosi që të shkonte në mbrëmjen e maturës me mbesën e tij, e cila është vetëm 6-muajshe.
Ky është Xhuliano Braha, i cili ndonëse vetëm 18-vjeç vendosi që t’i japë opinionit publik një mesazh të fortë: Jo luksit, Pro familjes.
Mbesa e tij, që quhet Esma, ishte veshur nga prindërit e saj me një fustan mbrëmjeje, duke respektuar edhe kodin e veshjes, të cilin duhej ta zbatonte me përpikmëri ashtu si edhe daja i saj.
Që të dy, shkuan dhe u bënë pjesë e mbrëmjes së maturës, duke tërhequr vëmendjen e gjithë të pranishmëve, pasi mesazhi që ata dy përcollën ishte mjaft i fortë.
Që të dy, nuk preferuan që të nxirrnin në pah automjete të shtrenjta, bizhuteri apo luks të madh, por duke u dhënë dashuri të gjithë atyre që i panë dhe që iu bashkuan prezantimit të tyre.
Fisnikëria ishte imazhi që ata përcollën, duke uruar edhe gjimnazistët e gjithë vendit që të kenë suksese, por të mbeten fisnikë!
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
