Surprizon Agron Duka: Do të bëjmë koalicion me Nismën Thurje

Kreu i Partisë Agrare Ambjentaliste njofton se në Shqipëri do të krijohet një pol i tretë opozitar. I zhgënjyer nga vendimet e Bashës, dhe aktual të Berishës, ai u tërhoq nga koalicioni zgjdhor që pati me Partinë Demokratike.

Nisma Thurje shihet si alternativa më e mirë bashkëpunuese sipas Dukës, i cili thotë se do të jetë në mbështetje të të rinjve në politikë. Në një intervistë me gazetarin Alban Dudushi,kreu i PAA thotë se i është ofruar për bashkëpunim kësaj force të re politike që drejtohet nga Endrit Shabani.

“Ne duhet të shtojmë padyshim votat dhe mbështetjen. Po bëjmë tratativa për t’u bashkuar me të rinjtë, siç është Nisma Thurje. Ne jemi në biseda me ta. Ndoshta mund të dalim me emra të përbashkët për këshillat bashkiak apo nëse do të garojmë për ndonjë bashki”- ka thënë Duka.