“Qante në telefon, e kërcënonin”, motra e Martin Çeços rrëfen bisedën e fundit

Motra e Martin Çeços ka rrëfyer detaje tronditëse nga gjendja emocionale e të vëllait. Ajo tregon se nga biseda e fundit me të vëllain i ka treguar se disa persona e kërcënonin po pa i dhënë detaje të tjera.

“Unë jetoj në Greqi. Vëllai më ka marrë në telefon 3 dite para se të zhdukej. Qante dhe më thoshte që ishte i mërzitur sepse e kërcënonin disa persona. Por nuk më tregonte se me kë kishte konflikt dhe cilët ishin personat që e kërcënonin.

Ishim në dijeni të lidhjes me një vajze por nuk e njihnim. Edhe babait i kishte treguar që e kërcënonin disa persona, por arsyet dhe emrat e tyre nuk na i tregonte. Vëllai jetonte vetëm me babanë. Babi është në gjendje të rëndë psikologjike në spitalin e Korçë”- tregon e motra.

Autorët e dyshuar të vrasjes janë identifikuar Bleti Angjo, 38 vjeç; Valter Mollaj, 43 vjeç dhe Edlir Mollaj, 35 vjeç. Krimi dyshohet se ka nisur për motive banale, lidhur me një vajzë 18-vjeçare me të cilën viktima ka pasur një lidhje.