Pasi e vranë dhe e hodhën në rezervuar, autorët e ngjarjes në Maliq provua të inskenonin vetëvrasjen e Martin Çeços. Të rinjtë dyshohet se pasi e mbytën me litar kanë lënë shapkat e viktimës jashtë rezervuarit.
Plani i tyre nuk ka funksionuar, pasi hetuesit kanë mundur të zbardhin ngjarjen, duke çuar në prangosjen e autorëve. Shkak i kësaj ngjarje tragjike është bërë një vajzë. 26-vjecari kishte njohje me një vajze e cila komunikonte edhe më një nga autorët. Autorët i kanë kërkuar 26-vjeçarit të mos e vazhdojë më lidhjen me vajzën, por ai nuk e ka ndërprerë.
Autorët kanë vijuar më tej duke i thënë babait të viktimës, por duket se as presioni i babait se ka ndaluar 26-vjeçarin të ndërpriste bisedën me vajzën. Ajo çfarë dihet është se djali nuk kishte mbaruar as shkollën 9 vjeçare, madje nuk dinte as të shkruante as të lexonte.
Sipas banorëve viktima nuk lëvizte nga fshati i tij. Ai merrej vetëm me prerje të lëndës drusore bashkë me babain. Ka qenë motra e 26-vjeçarit, e cila jeton në kryeqytet ajo që ka detyruar babain të denoncojë zhdukjen e djalit.
