A e dini se cilat janë karakteristikat e suksesit?
Deri më sot besohet se njeriu më i suksesshëm në botë ka vullnet të fortë dhe për këtë ka arritur të bëhet dhe i pasur.
Arritjet e miliarderit Elon Musk, megjithatë nuk kanë të bëjnë fare me këtë veçori.
Fuqia e vullnetit, sipas shkencës, është e mbivlerësuar dhe në vetvete nuk ofron sukses. Ajo që nevojitet është vetëkontrolli dhe vendosja e fortë e qëllimeve. Si personalisht ashtu edhe profesionalisht, zgjedhjet tona të ndërgjegjshme dhe të qëndrueshme na afrojnë me ambiciet tona, duke na mbajtur larg çdo gjëje tjetër që na shpërqendron.
Vetëm kur zgjedhjet tona janë në përputhje me qëllimet tona, arrijmë të qëndrojmë larg tundimeve që na çorientojnë. Imagjinoni një mjedis pune plot me stimuj që mund t’ju shpërqendrojnë lehtësisht: celulari që bie si i çmendur nga njoftimet që vijnë nga rrjetet sociale, të gjithë kolegët tuaj duke biseduar pa pushim me njëri-tjetrin. Çfarë duhet bërë në këtë rast?
Ajo që ju duhet këtu është të jeni proaktiv dhe të zgjidhni që në fillim situatën në të cilën do të jeni, duke bërë disa ndryshime të rëndësishme në mjedisin që jeni thirrur të menaxhoni. Si? Ndryshoni çdo aspekt që shkon kundër qëllimeve tuaja. Për shembull, në vend që ta lini celularin në shtëpi, vendoseni në “modalitet fluturimi” në mënyrë që askush të mos ju shqetësojë ndërsa përpiqeni të jepni atë afat të rëndësishëm.
Me pak fjalë, krijoni kushtet që do t’ju çojnë drejt suksesit tuaj pa pengesa dhe kufizoni zakonet që ju mbajnë larg qëllimeve tuaja. Kjo është ajo që Elon Musk bëri dhe bën çdo ditë, duke krijuar një teori të tërë rreth asaj që ai mendon se në fund të fundit sjell sukses.
