Firmoset urdhëri/ SPAK paralajmëron gazetarët: Do futet në burg kush publikon dëshmitë e Nuredin Dumanit

Prokuroria e Posaçme Kundër Krimit të Organizuar dhe Korrupsionit ka firmosur një urdhër të ri.

Ky vendim ka të bëjë me ndalimin e publikimit të dëshmive të Nuredin Dumanit dhe Henrik Hoxhajt, të dy tashmë të konsideruar si të penduarit e drejtësisë.

Dëshmi të shumta të Dumanit u bënë publike, ku denonconte episode të krimit të organizuar, porosi vrasjeje, e madje edhe lidhjet me politikën, SPAK ka ndërmarr vendimin duke kërcënuar mediat dhe gazetarët se nëse publikojnë të dhënat, do të dënohen me 5 vite burg sipas parashikimeve të nenit 195/a i Kodit Penal.

Urdhri është përgatitur dy ditë më parë dhe është firmosur nga Prokurorët Doloreza Musabelliu, Altin Dumani e Behar Dibra.