Befasohen efektivët/ Policia e Shtetit nxjerr videon nga brenda “minierës” së a rmëve në Tiranë

Ditën e sotme policia ka zbuluar një bazë ku prodhoheshin silenciatorë dhe modifikoheshin armët në Tirannë.

Për pasojë janë sekuestruar dhjetëra pistoleta, municion luftarak dhe pjesë për modifikimin e tyre.

Sipas informacioneve, “Miniera” e armëve u zbulua në një banesë në rrugën “Shaqir Shima”, në Kodër Mëzez, ku sipas policisë ushtrohej aktivitet kriminal për prodhimin, shitjen dhe tregtimin e armëve të zjarrit. E.Bakalli, 30 vjeç dhe D.Kalo, 45 vjeç, u arrestuan nga policia.

Mësohet se në një ambient brenda rrethimit të banesës së Bakallit, të përshtatur si punishte, u konstatuan makineri si: torno, freza dhe vegla të tjera pune që shërbenin për prodhimin dhe modifikimin e pjesëve/mekanizmave të armëve të zjarrit, si dhe për prodhimin e silenciatorëve të armëve.

Në momentin e ndërhyrjes nga shërbimet e Policisë, në këtë ambient janë gjetur duke punuar shtetasit E.Bakalli dhe D.Kalo, të cilët u arrestuan në flagrancë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

8 armë zjarri të llojit pistoletë, 3 armë zjarri automatike, 4 zhurmues si ato të armëve të zjarrit pistoletë, silenciatorë, pjesë të ndyshme armësh, një thikë, makineria që shërbente për prodhimin dhe modifikimin e pjesëve të armëve të zjarrit, municion luftarak dhe sende të tjera prej metali që përdoren për modifikimin dhe prodhimin e silenciatorëve të armëve të zjarrit, valixhe me pjesë armësh për modifikim, një sasi parash dhe sende të tjera të kundërligjshme janë sekuestruar nga policia.

Të gjitha armët dhe sendet e tjera të sekuestruara do të dërgohen në Institutin e Policisë Shkencore, për ekzaminime të mëtejshme, për të vërtetuar nëse këto armë janë përdorur në ngjarje kriminale të ndodhura më parë.

Sipas policisë aksesorët për modifikimin e armëve dhe silenciatorëve vijnë në rrugë ilegale, nga jashtë vendit.