Bullizuan të riun, e pësojnë keq 3 punonjësit e policisë në Korçë

3 punonjës të Komisariatit të Korçës janë proceduar penalisht nga Prokuroria e rrethit gjyqësor pasi kanë bullizuar një të ri.

Shkak dyshohet se është bërë një video në Tik Tok ku bullizohej një shtetas në kohë pandemie, i cili ishte shoqëruar në automjetin e policisë për masat kundër Covid-19.

Sipas informacioneve bëhet me dije se policët e kanë shoqëruar për mungesën e maskës, dhe më pas e akuzonin për vjedhje të riun.

Policët i kanë thënë se ka vjedhur gjithë Korçën dhe është numri 1 që kërkohet për vjedhje.

Gjithë biseda e regjistruar më pamje, është publikuar pas më tepër se 2 vitesh në rrjete sociale.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Sipas burimeve mësohet se i riu ka bërë kallëzim pranë AMP dhe ditën e sotme ka filluar edhe procedimi penal ndaj policëve.

Pritet njoftimi zyrtar nga ana e AMP dhe Prokurorisë së Korçës.