Para disa ditësh Forcat Speciale RENEA zbarkuan në banesën e biznesmenit Xhevdet Troplini, i njohur si “Poja”, ku kanë kryer kontrolle të imtësishme.
Vendimi është marrë nga Gjykata e Posaçme nga kuadër të operacionit të “Plumbit të Artë”, pas dëshmisë së Nuredin Dumanit.
Lajmi është bërë i ditur sot nga gazetarja Klodiana Lala në emisionin “Në shënjestër”.
Po ashtu mësohet se është kontrolluar edhe banesa e të birit dhe e nipit.
Lala tha se Troplini ka dhënë dëshmi para oficerëve të policisë. Aksioni në fjalë vjen pak ditë pas rrëfimit të Dumanit, i cili tronditi botën e krimit dhe me dëshmitë e tij, duke çuar në arrestimin e 18 personave.
Troplini është personazh i njohur në Durrës. Ai rezulton i dënuar në viti 2006 në Itali për trafik droge dhe dyshohet si i përfshirë në disa ngjarje në Shqipëri, por deri tani asnjë prej akuzave ndaj tij nuk është provuar.
