Katër ditë përpara zgjedhjeve vendore të 30 qershorit, ish-presidenti i vendit Alfred Moisiu ka mbajtur një deklaratë për mediat.
Moisiu ka shpjeguar se për të kapërcyer krizën e thellë politike që po kalon Shqipëria duhet të bëhet dialog mes palëve.
Ish-kreu i shtetit shtoi se kjo krizë ka 30 vjet që është prezente në vend dhe më pas renditi pikat që sipas tij do të zgjidhnin këtë situatë të ndërlikuar politike.
“Kjo ka vazhduar për 30 vjet. Ata kanë vendosur interesat pesonale dhe partiake mbi interesat e vendit. Politikë e gabuar. Mbrojtja e intergritetit të zgjedhjeve. Pranimi i faktit se ndryshimet kushtetuese të bëra në 2008 prishin ekulibrat. Pranimi i anullimit ose korrigjimin e tyre të plotë. Ndryshimi i procesit zgjedhor si dhe zgjedhjen e presidentit nga qytetarët. Forcimi i kompetencave të institucioneve që garantojnë kushtueshmëri. Në funksion të rritjes së besimit, forcat politike të rikthehen në dialog që të ndryshohet korniza ligjore, garantimin e zgjedhjeve të lira. KQZ të respektojë kërkesën ligjore për depolitizim. Numëruesit të mos jenë militantë, të hetohen individët e përfshirë në skandalet e trafikut të votës, të respektohen rregullat strikte për financimin e partive, të forcohen masat ndëshkimore sipas debatit të sjelljes, politika shqiptare të hartojë një pak kombëtar”, tha mes të tjerash ish-presidenti Moisiu.
