LIGJET E BIZNESIT
Një sherr aspak i zakontë mes drejtorit të Top- Channel Ben Blushi dhe ish-drejtorit të Digitalbit Alban Jaho, ka ndodhur mbrëmë ne restorantin “Padam” në Tiranë.
Sherri ka degraduar deri në thyerje gotash, pjatash e cdo gjë tjetër që ka patur në tavolinë.
Gjithcka ka ndodhur në prezencë të dy figurave të njohura, pronarit të tv Klan Aleksandër Frangaj dhe biznesmenit të fuqishëm Samir Mane.
Sherri i ndodhur në tavolinat që gjenden në ambjentet e jashtme të restorantit, ka alarmuar njerëzit e pranishëm të cilët kanë lajmëruar menjëherë policinë.
Dy biznesmenët Mane dhe Frangaj kanë dashur të shuajnë sherrin por më kot pasi sipas dëshmitarëve gotat dhe pjatat fluturonin gjithandej.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Edhe prokurorët kanë mbërritur në vendngjarje por asnjëri prej tyre nuk është shoqëruar për në polici.
Motivi i kësaj përplasje të fortë mendohet të jetë shkarkimi i drejtorit të Digitalb Alban Jaho menjëherë pasi Ben Blushi erdhi në detyrë si drejtor i Top Channel.
Takimi mund të jetë realizuar me qëllim pajtimin e tyre por pa sukses.
Sherri është filmuar dhe nga kamerat e restorantit Padam, të cilat janë sekuestruar nga policia.
