Dy ditë pas takimit me Ramën, drejtuesja e OSBE shkon me urgjencë në zyrën e Bashës

Paraditen e sotme në orën 11:00 drejtuesja e Misionit të Vëzhguesve të OSBE/ODIHR Audry Glover do të zhvillojë një takim me kryetarin e Partisë Demokratike në zyrën e këtij të fundit në selinë blu.

Fokusi i bisedimeve mendohet të jenë zgjedhjet vendore të 30 qershorit ku nga njëra anë opozita kundërshton zhvillimin e tyre ndërsa mazhoranca këmbëngul se këto zgjedhje do të bëhen dhe do të jenë një model për skenën politike.

Dy ditë më parë Glover pati një tjetër takim me kryeministrin Edi Rama dhe kryetarin e grupit parlamentar të Partisë Socialiste Taulant Balla në selinë rozë.