Stadiumi ‘Arena Kombëtare’ do të jetë gati në muajin shtator për të pritur ndeshje ndërkombëtare.
Lajmin e mirë e ka bërë të ditur anëtari i Komitetit të FSHF-së, Arben Dervishi.
“Në këto momente, vazhdohet të punohet në “Arenën Kombëtare”, për të arritur atë që është premtimi ynë, në shtator të jetë gati për ndeshjen me Islandën. Patëm sërish një mbledhje me kompaninë, për problematikat që kemi rreth stadiumiës. Fasada është në përfundim, mbulimi ka përfunduar, tani jemi me pjesën brenda. Kishim edhe ekipin nga UEFA të ekspertëve, dhe ishin të kënaqur për cilësinë dhe kushtet që kërkon një stadium i kategorisë së katërt. Patën disa vërejtje, të cilat i rregulluam, dhe tani po punojmë për afatin. Punimet brenda kanë avancuar, tani kemi filluar porosinë e mobilimit. I kemi dalë para situatës, kemi bërë gati porositë, që kur të përfundojnë ambientet e brendshme, të kapim afatet.”- tha Dervishi.
Ndër të tjera Dervishi tha se problematik për momentin është gjendja para stadiumit, ku i takon Bashkisë që të bëjë punën e saj.
