Këngëtarja Xheisara Frisku, ish-konkurente në “Big Brother VIP” ka folur hapur edhe për jetën private që është munduar ta mbajë larg syve të publikut.
Ajo ka zbuluar në emisionin “Jeto me orën” se i ka dhënë fund martesës, duke zbuluar se një ndër arsyet ishte mamaja e saj.
“Në përgjithësi më pyesin: “Si e ke burrin, kur do vijë burri jot?” Të them të drejtën un s’di vetë se çfarë bën burri im, edhe qesh kështu. Dhe kaloj edhe nuk iu them asnjë gjë, sepse është gjëja më e bezdisshme. Nuk dua të më pyesin për jetën time personale, nëse deri dje kam nxjerrë ndonjë gjë, tani e mbrapa nuk nxjerr se nuk e di se nga dalin këto… Unë asnjëherë nuk kam dalë në asnjë vend me bashkëshortin, e vërteta është që jam ndarë. Mami më thoshte gjithë kohës “gjej burrë”, e mora njërin u martova s’i pëlqeu, e lashë. Po s’i pëlqeu mamit… më vjen keq”– tha ajo.
Gjatë qëndrimit të saj në BBV, rrëfeu edhe historinë e saj të jetës me vështirësitë ekonomike.
“Unë e tregova atë histori për të nxjerrë atë ç’ka kisha brenda meje si dhe të motivoja shumë vajza të cilat kanë kaluar peripecira si të miat”, tha ajo duke shtuar edhe se mamaja e saj e ka ende peng që nuk e ka çuar në Lice.
