Sot Këshilli Kombëtar i Partisë Demokratike ka zgjedhur 20 emrat e rinj të Kryesisë së PD.
Në listën me 16 burra dhe 4 gra, në krye është Belind Këlliçi, i cili ka marrë 192 vota, i ndjekur nga Flamur Noka me 166 vota dhe Oerd Bylykbashi me 148 vota.
Ndërsa nga gratë më e mbështetura është Fatbardha Kadiu me 141 vota.
Ndërkohë Komisioni i Rithemelimit, i cili organizoi këtë proces tha se votat për ish Presidentin Bujar Nishani nuk u numëruan pas lajmit për ndarjen e tij nga jeta.
