1. Përfitojnë nga marrëdhëniet intime
Manipulimi psikologjik e ka fillesën tek raportet intime. Eshtë një mënyrë e afërt dhe familjare për të përfituar nga dobësia e njerëzve të afërt me qëllim që gjërat e tua të shkojnë mirë. Kjo sepse në lidhjet intime ne mund të japim versionin më të ndjeshëm dhe emocional të vetes.
2. Projektojnë fajin
Manipuluesit, rrallë, për të mos thënë asnjëherë marrin përgjegjësinë ndaj veprimeve të tyre – nëse do ta bënin, kjo do të dëmtonte besueshmërinë e tyre dhe do të shkaktonte dyshime në marrëdhëniet abuzive. Shumica e manipuluesve do të përvetësojnë një qëndrim vetë-drejtues dhe do të justifikohen duke bërë palën tjetër të arrijë në përfundimin se ishte ai/ajo fajtori.
Rregulli i tyre i artë është i thjeshtë: Nëse nuk më jep atë që dua, kam të drejtë të të trajtoj në çdo mënyrë që zgjedh. Ndërkohë, lidhjet e shëndetshme janë të ndërtuara mbi principin merr-jep.
3. Nuk i respektojnë kufijtë
Madje i injorojnë ato. Qëllimi i tyre i vetëm është të marrin fuqi, kontroll të plotë dhe mund ta bëjnë këtë edhe duke prekur caqet tuaja. Duke e bërë këtë vazhdimisht, vjen një moment që nuk marrin parasysh faktin që një veprim i caktuar mund të cënojë njeriun tjetër.
4. Të bëjnë të dyshosh tek vetja
Manipuluesit luajnë me psikologjinë e njerëzve dhe mund të arrijnë deri aty sa i bëjnë të tjerët të dyshojnë edhe tek realiteti që i rrethon. Një pjesë e mirë e tyre e përdorin këtë taktikë kryesisht me “viktima” që janë shumë të ndjeshëm apo kur duan të arrijnë diçka shpejt dhe krejt nga hiçi. Duke e bërë viktimën të dyshojë tek vetja dhe gjithçka që e rrethon, kjo e funditn e ka më të thjeshtë të dorëzohet tek manipuluesi duke e parë si qënien superiore në ato momente.
