Roma është fituese e edicionit të parë të Conference League. Në kryeqytetin shqiptar, në Tiranë, ekipi i drejtuar nga Jose Mourinho mundi 1-0 Feyeenordin.
Në Air Albania pati gjithçka, por në fund ata që festuan ishin tifozët italianë, që kishin kohë që po e prisnin një trofe të tillë. Zhgënjim total në krahun e holandezëve, të cilët duhet të kënaqen me pjesëmarrjen.
Futbollisti shqiptar Marash Kumbulla nuk luajti asnjë minutë në këtë sfidë, por ka dhënë një kontribut të jashtëzakonshëm për grupin për të shkuar deri këtu.
Minutat e para panë holandezët më me iniciativë, por pa rrezikuar shumë portën rivale.
Në minutën e 24-të, Pellegrini nis një top për Zaniolon, por ky i fundit nuk e mbërrin dot. Shans i mirë, i shpërdoruar.
Në të 32-tën, Zaniolo përfiton mirë në zonë dhe shënon.Gjithçka nis nga Mancini, që dërgon një assist në limitet e perfeksionit.
