Një ditë më parë, një i ri tentoi që të hyjë me forcë brenda ambienteve të Kryeministrisë. 32-vjeçari Aurel Latifi si fillim goditi kabinën e rojeve të sigurisë së Gardës së Republikës dhe tentoi më pas të futej në ambientet e Kryeministrisë.
Pas incidentit, Latifi përfundoi në prangat e policisë. Mësohet se Aurel Latifi është drejtues i PS-së në një prej degëve të Durrësit, konkretisht koordinator për Kënetën. Ende nuk dihen arsyet që e kanë çuar Latifin që të godasë rojën dhe të tentojë të futet brenda në godinë, teksa Latifi ka foto edhe me kryeministrin Edi Rama.
“Specialistët për Hetimin e Krimeve në Komisariatin e Policisë Nr. 1 bënë arrestimin në flagrancë të shtetasit Aurel Latifi, 32 vjeç, për veprën penale “Prishja e qetësisë publike”, pasi ka goditur kabinën e rojeve të sigurisë së Gardës së Republikës dhe ka tentuar të futet në ambientet e Kryeministrisë”, njoftoi policia lidhur me ngjarjen e djeshme.
