Kompozitorja Diana Ziu në arsyetimin e saj si profesioniste, u shpreh se nuk ka asgjë me zërin e artistes Ronela Hajati, ama kënga linte shumë për të dëshiruar.
Faji sipas kompozitores, qendron që me zgjedhjen e festivalit të RTSH, pasi hiti nuk ishte gërshetuar me një tekst të mirë, që nuk të përcillte as melodi dhe as harmoni në orkestracion, gjë që sipas tij, në çoi në këtë dështim.
“Nuk kam asgjë me këngëtares, kam reaguar direkt pas zgjedhjes së saj në Festivalin e RTSH-së, dhe absolutisht asnjëri nuk reagoi për atë se çfarë kam ngritur si problem. Atë e kam ngritur si qëndrim, duke qenë e drejtpërdrejtë, problemi është në të tërën e këngës, kënga nuk ishte e duhura për ta cuar aty, dhe për të përfaqësuar, se nuk e respektuam veten tonë për të shkuar deri aty.
Arti është subjektiv, por për mua, teksti nuk thoshte gjë, asnjëlloj në raport me melodinë, teksti nuk na bëri të reagojë, plus që jemi të ngarkuar me tekste banale, por përpos kësaj, melodia nuk thoshte asgjë, nuk lidhet me asgjë, nuk ka orkestracion, është banalitet. Ronela nuk është problemi, problem janë ata që e kanë zgjedhur, kushte autor të tjerë që mund të shkonin në Eurosong.
Ne nuk po ulin vlerat e këngëtares, ajo e ka një regjistër te mire, ajo këndon çdo lloj kënge, por problemi është kënga në terësi”, tha Ziu.
Sipas kompozitores Ziu, do duhej të ishte bërë një post-festival, dhe një reagim në përgjithësi, për të analizuar shkaqet dhe arsyet qe çuan në dështim.
Dhe pas kësaj duhet nënvizuar, ne nuk bëmë një festival, nuk kishte reagim, një përgjegjësi për këtë staf që janë marrë, pse nuk u fitua, pse, ka shumë pse-ra, kënga nuk ishte në parametrat e duhura për festival.
Po bëjmë “art për artin”, kemi nevojë për gazetarë të kulturës, sepse kur ka krijimtari, ka edhe kritikë.
