“Duket fyese” Taulant Balla kapet me Sali Berishën: Nuk miratohet asnjë propozim nga ai

Kreu i grupit parlamentar të PS Taulant Balla ka sqaruar para mediave arsyet se përse të majtët rrëzuan sot në Kuvend rezolutën për Srebrenicën.

Sipas tij, kjo nuk ka të bëjë me përmbajtjen, por sepse propozimi ka firmën e ish-kryeministrit Sali Berisha.

Balla: Sali Berisha i cili është i papranueshëm me çdo lloj propozimi me firmën e tij, deputeti i pavarur është shpallur “non grata” nga Amerika për vepra të mëdha korruptive, çdo kërkesë me firmën e tij do të rrëzohet.

Nuk është kundërshti ndaj propozimit por emrit që e ka bërë. Duket fyese që në një rezolutë për një masakër të tillë, brenda propozuesve të jetë ky person. E kam thënë dje dhe po e them sot, asnjë propozim nga ai nuk miratohet në Kuvendin e Shqipërisë.