“Ja cili është qëllimi i Ramës” Sulmet ndaj SPAK, Sali Berisha zbulon prapaskenat

Ish-kryeministri Sali Berisha u shpreh sot se pasardhësi i tij Edi Rama ka nisur një sërë sulmesh ndaj organeve të drejtësisë.

Kjo sipas Berishës bëhet për të tërhequr vëmendjen nga kriza ekonomike që po kalon vendi.

Duke folur në një konferencë për mediat ish-kreu i qeverisë tha se sot qytetarët po përballen me çmime shumë të shtrenjta dhe 50% të ardhurave e shpenzojnë për ushqime.

“Ka disa synime: së pari të tërheqë vëmedjen e qytetarëve shqiptarë të cilët po përballen me vështirësi shumë të mëdha në jetën e përditshme për shkak të këtij kryeministri I cili me firmë e vulë vetëm vjedh. Shumica e familjeve shqiptare shpenzojnë mbi 50% të të ardhurave vetëm për ushqimet.

Rritet çdo javë dhe çdo muaj në këtë vend në një kohë kur kryeministri dhe ministrat e tij të pangopur dhe përdorin fondet publike, pronat publike dhe asetet publike nga Kepi I Stillos deri në skajin tjetër. Në kurriz të taksapaguesve shqiptarë Edi Rama ecën dhe udhëton si gjëja më e pavlerë në Europën zyrtare”, deklaroi Berisha.