Këngëtarja e njohur shqiptare Elsa Lila u arrestua më 16 mars të këtij viti në Itali.
Ajo akuzohej për përfshirje në një grup kriminal që merrej me trafikun e lëndëve narkotike.
Por mësohet se artistja është liruar sot nga burgu.
Lajmi është konfirmuar nga daja i saj avokati Saimir Visha gjatë një interviste televizive. Ai theksoi se ai ka drekuar gjatë ditës së sotme me Lilën dhe se ndaj saj kanë rënë të gjitha akuzat.
“Jam kthyer sot nga Italia. Kam drekuar me të. Janë pushuar të gjitha akuzat. E gjitha një keqkuptim. Pafajësia e saj ka qenë që në momentet e para. Kam qenë me të. Më vjen turp që bashkëpunëtorët tanë, kanë vjellur vrer për Elsën”, tha Visha.
Kujtojmë se këngëtarja Elsa Lila u shoqërua nga autoritetet italiane pasi akuzohej si një person i përfshirë në një grup kriminal që merrej me trafikun e drogës.
