Gjykata e la në burg, reagon avokati i ish-truprojës së Tahirit: Është i pafajshëm

Gjykata e Posaçme ka lënë në burg Hekuran Markun ish-truprojën e ish-ministrit të Brendshëm, Saimir Tahiri.

Në një prononcim për mediat, avokati i tij, u shpreh se vendimi është i padrejtë dhe se do ta ankimojnë atë.

Sipas avokatit, Marku nuk ka asnjë lidhje me akuzat e pretenduara teksa pretendoi se klienti i tij është i pafajshëm.

“Edhe gjatë seancave që do të zhvillohen do të kundërshtojmë. Do të tregojmë që Marku s’ka lidhje me veprat penale për të cilën është marrë i pandehur. Me Bregasin njihet gjatë fushatës elektorale. Se çka bërë Bregasi Marku s’ka dijeni.

Njohja e tij përfundon vetëm në kuadër të fushatës elektorale të vitit 2015. Në 2013 ka filluar punë në gardë dhe në kuadër të fushatës elektorale ka rastësisur që është njohur me Elion Bregasin. Atje është njohur me të dhe sipas akteve”, u shpreh avokati.