LIGJET E BIZNESIT
Gjykata ka vendosur të lërë në burg Hekuran Markun, ish-truprojën e ish-ministrit të Brendshëm Saimir Tahiri.
Marku, është ekstraduar nga Gjermania para një muaji, ndërsa SPAK kërkoi ekzekutimin e masës së sigurisë së dhënë në mungesë në kuadër të Operacionit “Shpirti”.
Mësohet se SPAK është në pritje të përgjigjes zyrtare nga Franca për ekstradimin e Paulin Agustin Dedës ish truprojës tjetër të Tahirit.
Agustin Deda si dhe Hekuran Marku akuzohen si të përfshirë në trafikun e drogës të zbuluar nga operacioni “Shpirti”. 31 anëtarë të 4 grupeve kriminale që trafikonin lëndë narkotike u arrestuan në kuadër të operacionit “Shpirti” nga Prokuroria e Posaçme kundër Krimit të Organizuar dhe Korrupsionit (SPAK), falë një hetimi të zhvilluar në bashkëpunim me Italinë dhe të koordinuar me Eurojust-in, agjencia e Bashkimit Europian për bashkëpunimin gjyqësor në luftën kundër kriminalitetit.
Në dosjen e siguruar nga mediat thuhet se SPAK ka dërguar për gjykim 31 të pandehur: Aleks Memaj, Jovan Memaj, Aleksandër Neço, Shkëlzen Kambëri, Bernard Tahiraj, Marenglen Çaçi, Erind Hysomemaj, Klajdi Ademi (Hysomemaj), Toni (Elton) Kushi, Erion Hoxhara, Çezar Gjomemo, Saimir Kurti, Malton Lleshi, Shkëlzen Daci, Eltjon Bregasi, Paul (Agustin) Deda, Hekuran Marku, Hamid Seferi, Leonidha Sejdiaj, Ilir Gaba, Geri Zylyftari, Erlind Zylyftari, Artan Zylyftari, Luan Zylyftari, Elton Hamza, Mariglen Shusha, Donial Drolli.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Pas operacionit “Shpirti” të zhvilluar mes Shqipërisë dhe Italisë që çoi në shkatërrimin e 4 grupeve kriminale të trafikut të lëndëvë narkotike, prokuroria e posaçme nisi po ashtu edhe hetim pasuror për personat e përfshirë, midis tyre dhe Deda e Marku.
