Një kancelari në Kamëz ka marrë flakë pak pas mesnate. Biznesi mësohet se është në pronësi të një gruaje dhe zjarri është konstatuar rreth orës 00.25 minuta.
Për fat të mirë, nga ngjarja nuk ka persona të lënduar sepse kancelaria ka qenë mbyllur. Sipas Policisë, dyshohet se ndaj biznesit është vendosur lëndë plasëse, e cila më pas ka sjell dhe zjarrin.
“Më datë 07.05.2022, në Rrugën Teuta, Kamzë, rreth orës 00:25, eshte konstatuar zjarr në kancelarinë në pronësi të shtetases Xh. Gj., dhe si pasojë ka vetëm dëme materiale.
Nga verifikimet paraprake dyshohet për hedhje/vendosje të ndonjë lënde plasëse. Grupi hetimor po punon për përcaktimin e shkaqeve të rënies së zjarrit”, thuhet në informacionin zyrtar që jep Policia e Tiranës.
