Pas video-mesazhit që dha pak ditë më parë për bullizmin online që i është bërë këto muaj pas daljes nga “Big Brother VIP”, Beatrix Ramosaj ka vendosur të publikojë edhe disa nga mesazhet që mer nga ndjekësit në rrjetet sociale.
Këngëtarja ka treguar që një vajzë i flet me gjuhë urrejtje për të disatën herë.
Beatrix paralajmëron se do të ndjekë çështjen në rrugë ligjore.
“Zgjohem pothuajse çdo mëngjes me mesazhe të tilla nga zonja e nderuar Alexa. Dua ti them që shpresoj që Zoti t’ja pastrojë zemrën edhe mllefin që ka, sepse duke e shfryrë tek unë nuk e ndihmon aspak dhe nuk përcjell një mesazh të mirë tek familja juaj. E nëse dikush do të ndjekë çështje gjyqësore ndaj dikujt, jam unë ndaj teje e dashur. Ditë të mbarë”, shkruan Beatrix në Instastory.
