Kryeministri Edi Rama ka dhënë një mesazh menjëherë pas fjalimit që presidenti i Ukrainës Volodymyr Zelensky mbajti sot “live” në Kuvendin e Shqipërisë.
“Shkëlqesia juaj presidenti i Ukrainës, sot ky parlament nuk shquhet për shpirtin e dakordësisë mes palëve, janë shumë të rralla rastet që ky parlament ka qenë dakord, por agresioni rus është një nga ato raste kur ne kemi qenë dakord pa bërë asnjë diskutim. Të gjithë deputetët, i gjithë kombi shqiptar është rreshtuar krah jush që në orët e para të nisjes së luftës. Edhe pse mizorinë e kësaj lufte nuk e percepton asnjë tjetër veç popullit Ukrainës, historia jonë është shumë e afërt e Kosovës na ndihmon që ta ndjejmë dhimbjen e Ukrainës.
Mundësitë tona për t’ju ndihmuar janë krej modeste, por Shqipëria mund të jetë e vlefshme me zërin e saj. Qoftë në tryezën e NATO-s, qoftë në tryezën e kombeve të Bashkuara.
Në 5 maj Shqipëria do të jetë në tryezën e përbashkët të donatorëve që do të mbahet në Poloni dhe do të japë kontributin e saj”, tha Rama.
