Gjerdani i kushton më shumë se 10 mijë €? Ronela Hajati vijon të shkaktojë konfuzion

Ronela Hajati do të përfaqësojë Shqipërinë në “Eurovizion 2022” në natën e parë të gjysmëfinales. Këngëtarja e njohur shqiptare do të performojë më 10 maj në Torino me këngën “Sekret”, e cila shoqërohet edhe me një koreografi shumë provokuese.

Duket se Ronela po tërheq shumë vëmendje me çdo detaj me të cilin prezantohet. Më i fundit është një gjerdan tepër i çmuar, të cilin këngëtarja e ka mbajtur gjatë provave të saj në Torino.

Gjerdani me ar të bardhë është 18 karat dhe me shumë smeraldë. Ai mban emrin ‘Enigma X’ dhe shitet për shumën 10 mijë e 800 euro.

Përmendim që Hajati këto ditë po komentohet shumë në media, pasi faqja e Eurovizion i fshiu postimin me fotot e performancës së saj, të cilat janë konsideruar si tepër estravagante.