Të rinjtë u përplasën me policinë në Fier, reagon policia

Policia në Fier ka reaguar menjëherë pas publikimit të një videoje ditën e hënë në të cilën shfaqeshin disa të rinj duke u përplasur me efektivët e Patrullës së Përgjithshme.

Në reagim thuhet midis të tjerash se incidenti ka ndodhur rreth orës 19:45, në sheshin “Fitorja”.

Patrulla e Përgjithshme i ka kërkuar dokumentacionin e automjetit tip “Benz”, 21-vjeçarit me iniciale A. C., 21 banues në Dërmënas, i cili i ka kundërshtuar dhe nuk i është bindur urdhrit të punonjësve të Policisë.

Shërbimet e Policisë kanë shoqëruar në Komisariat të riun dhe njoftohet se në përfundim të veprimeve, 21-vjeçari është proceduar penalisht për veprën penale “Mosbindja ndaj urdhrit të punonjësit të Policisë së rendit publik”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern