Të shtëna me armë zjarri në Mramor të Prishtinës.
Mësohet se janë plagosur dy persona, të cilët janë dërguar në Qendrën Klinike Universitare të Kosovës për trajtim mjekësor.
Autori i dyshuar është një efektiv policie.
Kjo tashmë është konfirmuar edhe nga Inspektorati Policor i Kosovës. Hetuesit e IPK-së i janë përgjigjur informatave të para se zyrtari policor dyshohet të ketë shtënë me armë zjarri në drejtim të dy personave, por se ende nuk është bërë arrestimi i policit.
Rasti është duke u hetuar ndërsa në konfirmimin për plagosje, nga Policia e Kosovës deklaruan se hetuesit policor po vazhdojnë të merren me hetimet për ngjarjen.
