Një rrjet trafikantësh i qenieve njerëzore të cilët mashtronin gra dhe vajza emigrante nga Rusia dhe Ukraina për t’i shfrytëzuar më pas për prostitucion në Greqi, përfunduan në prangat e policisë dhe morën nga drejtësia greke dënimin maksimal.
Protothema.gr bën me dije se grupi kriminal i ftonte gratë nga Rusia dhe Ukraina duke i ofruar punë si kameriere në Greqi.
Por ky ishte vetëm një pretekst prej tyre.
Kur emigrantet mbërrinin në tokën greke trafikantët i mbyllnin në apartamente dhe i detyronin më pas të kryenin prostitucion dy apo tre herë në ditë për 60 apo 70 euro.
Rrjeti i trafikantëve u çmontua pas një operacioni nga autoritetet greke. Efektivët arrestuan një të re 25-vjeçare në Thraki Greqi Veriore, e cila për dy vite u detyrua që të punonte në prostitucion për 60 me 70 euro në ditë.
