LIGJET E BIZNESIT
Gjendet trupi i një 33-vjeçare të zhdukur para një javë më parë në Mbretërinë e Bashkuar. Katie Kenyon, nga Padiham në Burnley, u raportua si e zhdukur pasi u pa për herë të fundit rreth orës 9:30 të mëngjesit të ditës së premte në 22 prill në Lancashire.
Skynews shkruan se, besohet se nëna e dy fëmijëve udhëtoi atë mëngjes me një furgon Ford Transit që u largua nga Burnley drejt zonës Bolton-by-Bowland në veri të Lancashire.
“Në këtë fazë, megjithëse nuk jemi në gjendje të konfirmojmë zyrtarisht identitetin e gruas, ne besojmë se trupi është i Katie. Familjes së saj i është thënë dhe ata vazhdojnë të mbështeten nga oficerë të trajnuar posaçërisht. Mendimet tona janë me ta në këtë moment.“-thuhet në njoftimin e policisë.
Kryeinspektori i detektivit Gary Brooks, kreu i Njësisë së Hetimit të Përgjithshëm të Lancashire Constabulary, deklaroi se pas hetimeve të gjera të policisë dhe pas disa ditë kërkimesh mund të konfirmojnë se kanë gjetur një trup dhe në këtë kohë besojnë se i përket Katie Kenyon.
Po sipas mediave të huaja, kërkimet ishin përqendruar në pyllin e Bowland pasi u morën disa informacione për furgonin të premten e kaluar. Pylli i Bowland ndodhet në zonën e pyllit Gisburn, ku janë kryer edhe kërkime të mëparshme. Mbi 60 oficerë të specializuar kërkimi nga katër forca policie kanë kontrolluar zonat pyjore në kërkim të Kenyon. Kërkimi përfshinte oficerë policie si dhe shërbimi zjarrfikës, ekipe qensh, vullnetarë të shpëtimit malor dhe drone.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Andrew Burfield, 50 vjeç, nga Burnley, është akuzuar shpeshherë për vrasjen e Kenyon dhe është paraqitur në gjykatë përmes lidhjes video. Ditën e martë, hetuesit thanë se besonin se Kenyon kishte vdekur.
