Qëlloi djalin e kryeplakut në Kaninë/ Arrestohet polici në Vlorë

Mbrëmë në qytetin e Vlorës u regjistrua një përplasje me armë zjarri mes dy personave, konkretisht policit të delta force në Vlorë, Lisjan Myrtaj dhe djalit të kryeplakut të Kaninës në Vlorë, Juxhin Todi alias Aliaj.

Të shtënat u regjistruan në Lagjen “10 Korriku” pak metra pas shëtitores Lungomare. Nga të shtënat nuk ka patur persona të lënduar teksa dyshohet se ngjarja ka ardhur si pasojë e një konflikti mes dy të rinjve dhe kjo për shkak të një vajze.

Ndërkohë ditën e sotme, një ditë pas ngjarjes, policia ka gjetur dhe arrestuar Lisi Myrtaj, efektivi i policisë që u përfshi në konfliktin e mbrëmshëm me Juxhino Todin. Lisi Myrtaj, punonjës policie i repartit Delta Forcë, u arrestua për veprën penale “Vrasje e mbetur në tentativë”.

Njoftimi i policisë Vlorë:

Drejtoria Rajonale e AMP Vlorë arrestoi në flagrancë një punonjës policie të repartit Delta Forcë, si të dyshuar për veprën penale “Vrasje e mbetur në tentativë”. Më datë 29.04.2022, rreth orës 18:55, në lagjen “10 Korriku”, pas një konflikti për motive të dobëta, dyshohet se punonjësi i policisë, Inspektor L.M., ka qëlluar me armë zjarri pistoletë (armën personale të punës) ndaj shtetasit J. T., i cili ka qenë duke drejtuar mjetin tip Benz.

Nga të shtënat nuk ka patur të dëmtuar, ndërsa shtetasi J.T. është larguar nga vendngjarja duke braktisur mjetin.

Menjëherë pas marrjes dijeni nga salla operative, nga ana e oficerëve të Policisë Gjyqësore të Drejtorisë Rajonale të AMP Vlorë, nën drejtimin e prokurorit të gatshëm, është krijuar grupi hetimor, i cili ka kryer veprimet hetimore proceduriale në vendngjarje, ku janë sekuestruar; – një armë zjarri e llojit pistoletë – 7 gëzhoja 9 mm, të cilat dyshohen se i përkasin armës së punonjësit të policisë, L.M. – 3 fishekë, model 54 – mjeti tip Benz Mercedez – pamjet filmike nga kamerat e ambjenteve në zonën ku ka ndodhur ngjarja Ndaj punonjësit të policisë, Inspektor L.M. është vendosur masa e arrestit në flagrancë dhe materialet proceduriale u referuan në Prokurorinë e Rrethit Gjyqësor Vlorë për kryerjen e veprës penale “Vrasje e mbetur në tentativë”, parashikuar nga Nenet 76 e 22 të Kodit Penal. Hetimet vijojnë për zbardhjen e plotë të kësaj ngjarje.