Një aksident i rëndë është shënuar sot në aksin nacional Mallakastër-Memaliaj. Ngjarja mësohet se ndodhi rreth orës 08:35, në aksin nacional Mallakastër-Memaliaj, në fshatin Krahës, në vendin e quajtur “Kthesa e Kalivaçit”.
Burime nga policia bëjnë me dije se shtetasi me inicialet V. K., banues në fshatin Peshtan, Tepelenë, duke drejtuar automjetin tip “Mitsubishi” ka goditur tre mjete të parkuara (dëme materiale) dhe (këmbësorin) shtetasin me iniciale Q. H., 87 vjeç, banues në fshatin Kalivaç, Memaliaj, i cili u transportua për në spital, jashtë rrezikut për jetën.
Nga shërbimet e Policisë Rrugore është shoqëruar drejtuesi i mjetit, shtetasi me inicialet V. K. Në vendin e ngjarjes ndodhet grupi hetimor dhe po punon për zbardhjen e shkaqeve të aksidentit.
