Temperatura ekstremisht të larta në Pakistan, vala e të nxehtit mbërthen vendin

Miliona njerëz po vuajnë nga një valë e rrezikshme e të nxehtit të fillimit të verës në të gjithë Indinë dhe Pakistanin, duke çuar në mungesë të energjisë dhe ujit.

Shumë rajone raportuan rënie të furnizimit me ujë, gjë që vetëm do të përkeqësohet deri në shirat vjetorë të musonit në qershor dhe korrik. Termocentralet po përballen me mungesë të qymyrit, burimi kryesor i energjisë elektrike në vendin me 1.4 miliardë banorë, Indi. Mungesa e ujit do të godasë më së shumti fermerët, përfshirë ata që kultivojnë grurë, pasi India synon të rrisë eksportet për të ndihmuar në lehtësimin e mungesës globale për shkak të luftës në Ukrainë.

Temperaturat pritet të jenë deri në 8 gradë Celsius më të larta se zakonisht në pjesë të Pakistanit, me Sindhit që arriti në 48 gradë Celsius. Muaji i kaluar ishte marsi më i nxehtë i regjistruar që nga viti 1961, raporton Guardian.

Duke qenë në muajin e Ramazanit, vapa e bën agjërimin si në Indi ashtu edhe në Pakistan edhe më të ashpër për myslimanët. Valët e të nxehtit kanë vrarë më shumë se 6500 njerëz në Indi që nga viti 2010 dhe shkencëtarët thonë se ndryshimi i klimës po i bën ato më të ashpra dhe më të shpeshta në të gjithë Azinë Jugore.