Zyrtarja e DASH vjen në Shqipëri, 3 politikanët që do të takojë

Këtë të enjte do të mbërrijë në Tiranë Ndihmës Sekretarja e Çështjeve Evropiane dhe Euroaziatike Karen Donfried, një vizitë që pritet te ketë një simbolikë të veçantë jo vetëm nga përmbajtja, por edhe nga forma.

Axhenda e zyrtares së lartë e Departamentit Amerikan të Shtetit parashikon takim me kryeministrin Edi Rama, ku biseda pritet të fokusohet jo vetëm ne politikën e jashtme, si kriza në Ukrainë apo Integrimi në Bashkimin Europian, por edhe politikën e brendshme: si reforma në drejtësi dhe lufta kundër korrupsionit.

24 orë para Kuvendit të Sali Berishës që synon të zgjedhë kupolën e re drejtuese të Partisë Demokratike, e dërguara e Shteteve te Bashkuara të Amerikës ka ftuar në takim 3 zyrtarët demokratë të cilët vijojnë të mbështesin linjën e amerikanëve, Jorida Tabakun, Gazment Bardhin dhe Enklejed Alibeajn.

Për shkak se selia blu është marrë në kontroll nga Sali Berisha, takimi është caktuar të mbahet në ambientet e Kryesisë së Kuvendit. Ashtu sikurse Gabriel Escobar bëri në dhjetor, para mbledhjes së Kuvendit të stadiumit edhe shefja e tij, Karen Donfried pritet të bëjë të qartë qëndrimin e amerikaneve nëse drejtimin e partisë me te madhe të opozitës e merr Sali Berisha.

Në axhendën e zyrtares amerikane mungon dhe një takim me presidentin e vendit Ilir Meta. Në Tiranë do të jetë sot i pranishëm edhe Oliver Varhelyi, komisioneri i Bashkimit Europian për Zgjerimin.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern