Edmond Tupja i shqetësuar për gjuhën tonë: Do vijë dita kur do themi “do you parlate shqipish”

Profesori i njohur Edmond Tupja ka folur mbi rrezikun e zhdukjes së gjuhës shqipe  apo transformimit të saj si pasojë e globalizmit gjuhësor dhe kulturor.

Ai u shpreh se beteja që bëjnë ata që e duan shqipen është gjysma e humbur sepse njerëzit në Shqipëri vendosin interesin ekonomik çdo gjëje.

“Mesa duket beteja që bëjnë ata që e duan gjuhën shqipe është tashmë gjysma e humbur. Më vjen keq që po e them sepse pavarësisht përpjekjeve që po bëjnë gjuhëtarët, po shoh se nuk po fryn erë e mbarë për gjuhën shqipe dhe kombin shqiptar.

Në një vend të varfër si Shqipëria, interesi kryesor është ekonomik dhe shesin jo vetëm votën por edhe shpirtin për një grusht parash. Kjo mua më pezmaton dhe më hidhëron jashtë mase dhe nuk jam i vetmi fatkeqësisht. Do vijë dita që do themi: Do you parlate shqipish? Që të merremi vesh midis nesh”– u shpreh profesori ndër të tjera.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern