Credins bank vazhdon me nismën për të mbështetur artin, duke shndërruar degën qendrore në ekspozita për artistë

Kthimi i degës sonë qendrore në një ekspozitë arti është shndërruar jo vetëm në traditë, por në një kënaqësi dhe ndjesi krenarie.

Këtë muaj, në prag të stinës së pranverës mirëpritëm piktoren Vjola Terolli, e cila e ka historinë e lidhjes se saj me botën e artit tepër reflektuese, duke na mësuar se ndjekja e ëndrrave është e mundur për këdo, në çdo moment të jetës e për çfarëdolloj arsye që ju motivon e inspiron!  

Vjola është shembulli ideal i përjetimit të ndjenjave e emocioneve personale dhe kthimit të tyre në art. Pikturat e saja jo vetëm janë të pëlqyera në mbarë botën, por paraqesin një histori inspirimi tepër të bukur e cila na mëson se pas një përjetimi të vështire ka gjithmonë një mundësi për të rifilluar e për të pasur një qëllim në jetë.

Artistja Terolli ka dalluar me talentin e saj nëpër ekspozita në Shqipëri por edhe jashtë ku mund të përmendim, “Arte Padova”. Arti i saj është vlerësuar disa herë në katalogë Italianë si “Catalogo Dell’ Arte Moderna”, “Artist in Mostra”,  “Grandi Maestri”, “Arte”, “Creazioni”, “Monreale” e shumë të tjerë. Ajo është nderuar me çmime e certifikata në Palermo, Romë e vende të tjera ku ka spikatur si një artiste me stil, ekspresion dhe vlera të larta.

Pikturat e artistes paraqesin ngjyra, forma e peizazhe relaksuese të cilat të bëjnë të hysh brenda në telajo e të ndjesh çdo emocion në mënyre të çiltër e të pastër.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Jemi të lumtur që vazhdimisht u japim mundësi artisteve të promovojnë artin e tyre por edhe të tregojnë më shume për jetën dhe eksperiencat individuale  si në rastin e Vjola Terollit.

Histori të tilla, jo vetëm i dhurojnë publikut kënaqësi për të përjetuar emocione të bukura artistike, por kthehen në motivim për këdo që ka talent, ëndërra, qëllime dhe dëshira në jetë.

Credins bank do të mbështesë gjithmonë artin, artistët dhe rrugëtimet e tyre të veçanta, pasi ky është përherë një nga fokuset tona të përgjegjësisë korporative.

Le ta shijojmë së bashku këtë ekspozitë!