Kishte hyrë në librin e rekordeve Guiness, ndahet nga jeta gruaja më e moshuar në botë

Gruaja më e vjetër në botë ka vdekur në moshën 119-vjeçare.

Ajo quhet Kane Tanaka dhe është nga Japonia.

Sipas “Indipendent”, ajo u nda nga jeta për shkak të pleqërisë në spitalin e qytetit Fukuoka në perëndim të Japonisë, të martën e kaluar.

E lindur më 2 janar 1903, Tanaka u fut në Librin e Rekordeve Botërore Guinness si personi më i vjetër i gjallë më 2019.

Ajo ka jetuar në një shtëpi pleqsh dhe deri vonë ishte në gjendje relativisht të mirë shëndetësore.

Tanaka kishte drejtuar disa biznese, duke përfshirë një dyqan petësh dhe një dyqan ëmbëlsirash orizi. Ajo u martua në vitin 1922, duke lindur në total katër fëmijë dhe duke adoptuar të pestin.