Plagosja në Sarandë, zbulohet shkaku i konfliktit, adoleshentët i kishin shtypur me makinë qenin

Një ngjarje tragjike është shënuar mbrëmjen e kaluar në Sarandë, ku 43-vjeçari Ibrahim Duda, plagosi me thikë dy vëllezër adoleshentë.

Mësohet se shkak për këtë ngjarje të rëndë është bërë se adoleshentët shtetasi me iniciale D. G., 16 vjeç dhe K. G., 18 vjeç, kanë shtypur me makinë qenin e autorit.

Përmendim se ngjarja u shënua në në lagjen nr.4 në Sarandë. 18-vjeçari u gjuajt me thikë në kraharor nga Duda, teksa i vëllai ka marrë dëmtime të lehta në dorë.

Pas ngjarjes autori u arratis, ndërsa policia është vënë në ndjekje të tij. Kujtojmë, që Duda nuk është një emër i panjohur për policinë pasi mësohet se ka pak kohë që ka dalë nga burgu, ku ndodhej për shkak të një vjedhje të kryer.