Shpërthim me lëndë plasëse në derën e dyqanit të policit në Durrës

Një shpërthim me lëndë plasëse është raportuar një natë më parë në Durrës. Policia bën me dije se ngjarja ka ndodhur në fshatin Katund i të Ri, në derën e jashtme të dyqanit të shtetasit Hysen Gashi, 54 vjeç.

Pronari i këtij biznesi është efektiv i forcave “Shqiponja”. Nga shpërthimi nuk ka të lënduar por vetëm dëme materiale. Policia po punon për zbardhjen e ngjarjes dhe ka ngritur pistat e hetimit.

Njoftimi i Policisë:

“Rreth orës 22:20, në fshatin Katund i të Ri, Durrës, në derën e jashtme të dyqanit të shtetasit H. G., 54 vjeç, është vendosur dhe ka shpërthyer një sasi e vogël lëndë plasëse. Si pasojë është  dëmtuar vetëm qepeni i jashtëm i derës së dyqanit”.