Një tërmet i fuqishëm me magnitudë 5.7 i shkallës Rihter goditi mbrëmë pak para mesnate Bosnjën. Në sizmiologji thuhet se tërmetet janë të paparashikueshme, por kjo nuk rezultoi e tillë. Afro një minutë para se të fillonin dridhjet e forta të tokës, qytetarët boshnjakë morën një mesazh për atë që pritej të ndodhte.
Nga mediat boshnjake raportojnë për një sistem të quajtur “ShakeAlert” i cili ka kohë që përdoret në Shtetet e Bashkuara të Amerikës dhe Android. Thuhet se ky sistem ka filluar të dërgojë paralajmërime për tërmete në Evropë.
Sistemi “ShakeAlert” është zhvilluar nga sizmologët amerikanë në Kaliforni. Aty ku është zhvilluar ky sistem, janë instaluar një sërë sizmometrash, të cilët e bëjnë më të lehtë zbulimin e tërmeteve.
